Author: webmaster

• 

Shfaqja “Shërbëtoret” / “The maids”, e autorit Jean Genet, shtjellon ngjarjet e dy shërbëtoreve Solange dhe Claire, të cilat performojnë rituale sadomasokiste kur zonja e tyre (Madame) nuk është aty.

E përbashkëta e tyre është se që të dyja e urrejnë zonjën.

Fokusi i lojës së tyre është vrasja e zonjës dhe ato i ndërrojnë rolet duke portretizuar dy anët e ndarjes së pushtetit. Ritmi i tyre i qëllimshëm dhe përkushtimi ndaj detajeve siguron se ato gjithmonë dështojnë të konkretizojnë fantazitë e tyre duke “vrarë” në mënyrë ceremoniale Zonjën në denuim të ritualit.

Solange dhe Claire janë si mijëra të rinjë që enden në metropol modern pa perspektivë dhe shpresë, me rrebelime të heshtura të përditshme dhe trazira sociale të kohës sonë.

Ndërsa gjithnjë e më shumë njerëz në mbarë botën rrebelohen kundër moralit dominues të mërzisë, bindjes dhe qëndrueshmërisë, kundër shfrytëzimit dhe shantazhit që bëjnë njerëzit në punë, kundër burgut të përditshëm dhe vendosjes së një jete që nuk e zgjodhëm dhe nuk i përkasim, zgjedhja e punës së Jeane Genet për të shprehur frymën e një kohe që do të shpërthejë, ishte e drejtpërdrejtë.

Kjo shfaqje vjen si bashkëpunim i TEKEKS me Ambasadën Franceze në Tiranë nën projektin “Festivali Francez i Teatrit” për regjionin Elbasan-Korçë. Në role janë: Laura Nezha, Dasara Xhangolli dhe Ilirda Bejleri, ndërsa regjia është punë e Kiço Londos.

Merreni biletën tuaj në Kolegjin AAB në Prishtinë, në MIQT Pub dhe Dit’ e Nat’ dhe mos e humbisni asnjë shfaqje të PITF 2018.

• 

Aktorja e shfaqjes “Si nëna si e bija” / “Kakva majka takva kći”, Mia Krajcar vjen në PITF për herë të dytë, ku vitin e kaluar morri çmimin Aktorja më e mirë.

Krajcar u lind në Zagreb, më 24 shtator, 1980. Ajo është aktore e teatrit, televizionit dhe filmit. Diplomoi në vitin 2007 në Akademinë e Arteve të Dramës në Zagreb.

Ka sinkronizuar filma të ndryshëm të animuar, morri pjesë në seriale të ndryshme dhe gjithashtu ka performuar në dhjetëra performanca teatrore.

Në Split, u nominua për çmimin e Teatrit Kroat për rolin në shfaqjet “Udovic” dhe “Libertinac”, e poashtu për performancën në “Baal” Theater, në shfaqjen “Don Juan”. Nga 2009, ka qenë anëtare e Shoqatës Kroate të artistëve të pavarur.

Bileta për të parë këtë shfaqje kushton 3 euro, ndërsa për studentë kushton 2 euro.

Kjo shfaqje mund të ndiqet edhe me biletën e tërë festivalit (Festival PASS), që kushton 10 euro për të parë të gjitha shfaqjet e festivalit, ndërsa për studentë çmimi i Festival PASS është 5 euro.

Biletat tashmë kanë filluar të shiten në Kolegjin AAB në Prishtinë, në MIQT Pub dhe Dit’ e Nat’.

Mos harroni se blerja e biletës ju siguron transportin falas dhe after-partyn

Ana Bateva studio për regji teatri në Fakultetin e Arteve në Akademinë Kombëtare të Teatrit dhe Filmit ‘’Kr. Sarafov’’- NATFA në Sofia të Bullgarisë.

• 

Ndonëse e re në moshë, regjisorja maqedonase Bateva, u shpërblye për performancat e saj të shumta në shumë festivale ndërkombëtare të teatrit.

Ajo morri një mori çmimesh si: Regjisorja më e mirë, Performanca më e mirë, Inovacioni i teatrit etj. Tani, ajo vjen në ‘’Prishtina International Theater Festival’’ për të bërë pjesë në programin konkurrues, ku garojnë 7 shfaqje gjithsej.

Ne ju presim për ta ndjekur shfaqjen “Chicken” (Pula) në Teatrin AAB ‘’Faruk Begolli’’, në datën 2 dhjetor 2018, nga ora 19:00.

“Chicken” (Pula) është një shfaqje jostandarde që shtjellon problemet e artistëve modernë në teatrot shtetërore dhe problemin e materializmit agresiv që na rrethon.

Heronjtë e kësaj shfaqjeje Nina Zarechnaya dhe Aleksandër Timofeich, rolet e të cilëve i luajnë Vasilena Vinchenco dhe Vasil Duev, ëndërrojnë të shkojnë në kryeqytet ndërkohë që kanë rënë në dashuri me njëri-tjetrin dhe sapo gjejnë lirinë e tyre personale në art, poashtu bien në vorbullën e mjediseve dhe miqësive të rreme.

Si rrjedhojë e punës së autorëve А. P. Chekhov dhe Nikolay Kolyada, shfaqja vjen nën regjinë e Ana Bateva.

Bileta për një shfaqje kushton 3 euro, kurse për studentë kushton vetëm 2 euro.

Një shfaqje mund të ndiqet edhe me biletën e tërë festivalit (Festival PASS), që kushton 10 euro për të parë të gjitha shfaqjet e festivalit, kurse për studentë çmimi i Festival PASS është vetëm 5 euro.

Vlen të ceket se 20% nga çdo biletë i dedikohet bamirësisë. Biletat mund t’i gjeni në Kolegjin AAB në kampusin e Prishtinës.

• 

• 

• 

Shfaqja e parë në Itali që flet për një prift homoseksual, do të jetë pjesë e programit konkurrues në PITF.

Idea për këtë shfaqje rrjedh nga takimi me një prift homoseksual, i cili i ka treguar botës haptazi për homoseksualitetin dhe jetën e tij.

Kjo shfaqje është një dramatizim dhe një dëshmi e sinqertë e një prifti katolik, i cili zbuloi se ishte homoseksual.

Një itinerar zbërthyes që e udhëheq atë përtej përvojave të vështira, por gjithashtu trondit balancin e jetës së tij si prift dhe lidhjen e tij me Zotin.

Shfaqja është krijim i autorit Marco Politi dhe vjen me regji të Alfredo Traversa, i cili është edhe vetë aktori në këtë shfaqje.

‘’The Confession’’ mund ta shihni në datën 1 dhjetor në orën 19:00, pasi ta keni blerë biletën e cila kushton 3 euro, apo edhe me biletën që shërben për të gjithë programin e festivalit (Festival Pass) që kushton vetëm 10 euro.

• 

Regjisori i teatrit dhe filmit Dino Mustafić, u lind më 6 korrik 1969.

Ai diplomoi nga Akademia e Arteve në Sarajevë, në degën e regjisë dhe nga Fakulteti i Filozofisë në Sarajevë, dega e letërsisë së përgjithshme dhe bibliotekarisë.

Ai ishte edhe drejtor i Festivalit Ndërkombëtar të Teatrit MESS në Sarajevë dhe poashtu regjisor i dokumentarëve (“Miracle in Bosnia” dhe shumë të tjerë), programeve muzikore dhe shfaqjeve teatrore.

Filmi i tij i parë “Remake” sipas Zlatko Topçiqit, ka qenë një sukses i madh. Dino është shfaqur në festivalet e shumta ndërkombëtare të filmit në të gjithë botën, ku edhe fitoi çmime.

Filmi “Remake” u shpërblye si filmi më i mirë debutues, po ashtu mori shpërblime për aktorin më të mirë (Ermin Bravo) dhe për Paqen dhe Mirëkuptimin Kulturor në Festivalin e Filmit të Verës në San Francisko, çmimin ‘’Special Future’’ në Festivalin e Filmit në Munih dhe çmime të tjera në Berlinale.

Ai është nominuar për Çmimin e Artë të Tulipit në Festivalin Ndërkombëtar të Filmit në Stamboll, çmimin e madh në Festivalin e Filmit në Paris, çmimin e Lindjes së Perëndimit në Festivalin Ndërkombëtar të Filmit në Karlovy Vary dhe Tigrin e Artë në Festivalin Ndërkombëtar të Filmit në Roterdam.

Në Festivalin Ndërkombëtar të Teatrit në Novi Sad, në 2016, ai u shpërblye si ‘’Regjisori më i mirë’’.

Shfaqjen nën regjinë e Mustafić, keni mundësinë ta shihni të premten, më 30 nëntor 2018, nga ora 19.00, në Teatrin AAB “Faruk Begolli”.

Me interpretim të Ema Andreas në rolin e nënës dhe të Matia Llupas në atë të të birit, drama e shkruar nga Jon Fosse, me regji të Dino Mustafiqit “Nëna dhe Fëmija”, vjen në PITF 2018, në programin konkurrues të edicionit të dytë.

Një shfaqje që ngre krye kundër shoqërive patriarkale e njëherit krejt larg teatrit tradicional apo atij “të realizmit socialist”, shfaqje kjo që u cilësua si ‘’tronditëse’’ ku aktorja Ema Andrea zhvishet për “të përballuar dhimbjen”.

• 

Shfaqjen që zgjoi ndërgjegjen e publikut anë e mbanë, do të mund ta shihni të premten, më 30 nëntor 2018, nga ora 19.00, në Teatrin AAB “Faruk Begolli”.

Biletat për shfaqje mund t’ i gjeni në Kolegjin AAB.

Çmimi i biletës për shfaqje është 3 euro, ndërsa për studentë 2 euro.

Shfaqja mund të ndiqet edhe me biletën e festivalit (Festival PASS), që kushton 10 euro për të gjitha shfaqjet e festivalit, ndërsa për studentë çmimi i Festival PASS është 5 euro.

• 

Regjisori shqiptar Qëndrim Rijani, ka lindur më 30 mars në vitin 1990, në Kërçovë të Maqedonisë.

Shkollën fillore dhe të mesme i kreu në vendlindje, ndërsa është diplomuar në degën e Regjisë së Teatrit në Universitetin e Arteve në Tiranë dhe në po të njejtin Universitet ka kryer edhe studimet master – dega: Regji teatri dhe spektakli.

Aktualisht është ass.pedagog në Tiranë dhe Tetovë.

Deri më tani ka realizuar rreth trembëdhjetë shfaqje profesionale në Teatro të ndryshme Kombëtare dhe të Qyteteve Është fitues i Çmimit “Regjisori i ri më i mirë” në Shqipëri dhe fitues i çmimit “Regjisori i vitit” në Maqedoni.

Përveç çmimeve në rajon, ai njihet edhe si fitues i disa çmimeve në festivale të ndryshme dhe mirënjohjeve.

Regjisori Rijani vjen në PITF me shfaqjen ‘’Gratë’’ (‘’Women’’), e cila do të luhet në natën e parë të festivalit, më 29 nëntor 2018. Kjo shfaqje trajton qenien grua dhe problemet me të cilat ato ballafaqohen në ditët e sotme.

Shfaqjen mund ta ndiqni në natën e parë të festivalit, të enjten më 29 nëntor 2018, nga ora 19.00.

• 

Një produksion i Teatrit Kombëtar Shqiptar në Shkup, me tekst të Robert Thomas dhe në regji të Qëndrim Rijanit.

Në rolet e shfaqjes vijnë: Teuta Ajdini Jegeni, Drita Kaba Karaga, Amernis Jovanovska Nokshiqi, Vjollca Bekteshi Hamiti, Aida Alidemi, Zarije Jonuzi Çeliku, Mirlinda Saiti dhe Aida Elezi.

Shfaqja “Gratë” trajton qenien grua me përsosmëri. Dashuria, urrejtja, tradhëtia, seksualiteti, incesti, dhe problemet e tjera femërore, janë vorbulli i kësaj shfaqjeje.

Tema kryesore e shfaqjes është LIRIA e gruas (mbi të gjitha e drejta për të qenë e barabartë, liria e vendimmarrjes). Qëllimi i shfaqjes “Gratë” është që të ngritet dhe të debatohet dinjiteti i femrës. Këto janë disa nga çështjet që meritojne të trajtohen në përditshmërine tonë, duke i shfaqur ato në audiencë, çështje këto që janë aktuale në ditët tona.

Shfaqja do të jepet të enjten, më 29 nëntor 2018, nga ora 19.00.

Biletat për shfaqje mund t’ i gjeni në Kolegjin AAB.
Çmimi i biletës për shfaqje është 3 euro, ndërsa për studentë 2 euro.

Po ashtu, shfaqja mund të ndiqet edhe me biletën e festivalit (Festival PASS), që kushton 10 euro për të gjitha shfaqjet e festivalit, ndërsa për studentë çmimi i Festival PASS është 5 euro.

•