Ilir Bokshi, regjisori i shfaqjes që përfaqëson Kosovën “Holly Shit”, vjen në PITF 2018.

Ilir Bokshi, një ndër regjisorët më të suksesshëm që Kosova ka, lindi më 11 prill 1966 në Gjakovë. Ai studioi gjatë viteve 1993-1994 në Bukuresht të Rumanisë për Regjinë Teatrore në Akademinë e Teatrit dhe të Filmit.

Ilir Bokshi ka realizuar regjinë e shfaqjeve anë e mbanë teatrove shqiptare. Një ndër këto realizime është edhe shfaqja ‘’Menaxheria e qelqtë’’. Në ndërkohë ai punon si regjisor në Teatrin Kombëtar të Gjakovës.

Shfaqjen nën regjinë e Ilir Bokshit dhe ass.regjinë e Butrint Pashës, keni mundësinë ta shihni në Teatrin AAB ‘’Faruk Begolli’’ në PITF 2018 më 5 dhjetor, nga ora 19:00.

Blejeni biletën tuaj në Kolegjin AAB në Prishtinë, në MIQT Pub dhe në Dit’ e Nat’.

Bileta për një shfaqje kushton 3 euro, kurse për studentë kushton vetëm 2 euro.

Një shfaqje mund të ndiqet edhe me biletën e tërë festivalit (Festival PASS), që kushton 10 euro për të parë të gjitha shfaqjet e festivalit, kurse për studentë çmimi i Festival PASS është vetëm 5 euro.

Vlen të ceket se 20% nga çdo biletë i dedikohet bamirësisë dhe se bileta përfshin hyrjen për të parë shfaqjen, transportin dhe after-party.