Ilir Tafa në shfaqjen për Nënën Terezë në Prishtina International Theater Festival.

Ilir Tafa është njëri ndër aktorët më të njohur dhe më të popullarizuar në Kosovë si dhe në rajon. Ai ka luajtur në shumë projekte filmike dhe teatrale në Kosovë dhe jashtë saj sidomos në Bosnje e Kroaci.

Ilir Tafa, me fillimin e studimeve nisi të zotërojë profesionin e aktorit, ku për një kohë shumë të shkurtër realizoi vepra brilante në teatër e kinematografi, si në vend ashtu edhe jashtë vendit.

Deri më tani ka luajtur në disa filma artistik dhe seriale, si dhe në shumë shfaqje teatrore, me role skenike nga më të ndryshmet si: ”Sonte jam vetëm”, ”Alo 038″, “Studio 2”, në filmat artistik “Atje ku nuk lind dielli”, “Shtëpia e tmerrit”, në serialet ”Kamera me yjet”, “Kandidati për president”, “Kaçurrelët”, “Zogjtë e luftës”.

Nga viti 2009 merr pjesë në shumë projekte artistike si në teatër, film dhe TV. Në gjithë hapësirën e ish-Jugosllavisë, Ilir Tafa është bërë i njohur me serialin “Lud, Zbunjen, Normalan”.

Bashkë me ekipën nga Kroacia, Ilir Tafa do të performoj shfaqjen ‘’Svetica u Tami’’ më 17 tetor në Teatrin “Faruk Begolli” në Kolegjin AAB.